GJERMANI: Gati 60% e azilkërkuesve janë pa dokumente identifikimi

Sipas të dhënave të Ministrisë së Jashtme gjermane, shumica e azilkërkuesve që vijnë në Gjermani nuk kanë dokumente identifikimi, njoftoi gazeta ‘Velt am Sonntag’, shkruan albinfo.ch.

Në gjysmën e parë të këtij viti, 58 për qind e refugjatëve të rritur që hynë në territorin gjerman ishin pa dokumente. Sipas Shërbimit Federal të Migracionit dhe Refugjatëve, disa prej tyre me qëllim hedhin ID-të, me gjasë duke menduat se po i rrisin shanset e tyre për azil”.

Sipas statistikave të Ministrisë së Brendshme gjermane, 88 për qind e azilkërkuesve afganë, 89 për qind e eritreasëve dhe 95 për qind e algjerianëve po hyjnë në vend pa dokumente. Një përqindje edhe më e madhe janë refugjatët pa karta identiteti dhe pasaporta nga Nigeria, Somalia dhe Gambia nga 97 në 99 për qind. Vlen të përmendet se këtë vit vetëm 21 për qind e sirianëve dhe turqve ishin pa dokumente që kishin aplikuar për azil në Gjermani.