13 refugjatë mbyten në ujërat e Mesdheut

Trembëdhjetë refugjatë nga Afrika kanë vdekur rrugës së tyre të Mesdheut për në Spanjë.

80 të tjerë në dy anije të refugjatëve janë shpëtuar nga Rojat Bregdetare Spanjolle, sipas autoriteteve.

Dy anijet u gjetën rreth 32 kilometra larg brigjeve të enklavës spanjolle të Melilla në Afrikën e Veriut, transmeton albinfo.ch.

Spanja është bërë destinacioni kryesor për refugjatët në Evropë këtë vit. Sipas Organizatës Ndërkombëtare për Migrim (IOM), 47.000 refugjatë mbërritën atje që nga fillimi i vitit, shumica e tyre në anije nëpër Mesdhe.

564 vdiqën gjatë kalimit ose mungonin. Numri i të vdekurve është tashmë tri herë më i lartë se në vitin 2017.