VV-ja kërkon arrestimin e presidentit Thaçi

“Presidenti Thaçi është në gjendje të paguajë me territor të Kosovës njohjen nga Serbia”, ka thënë deputeti i VV-së, Glauk Konjufca.

Në një konferencë për media, shefi i Grupit Parlamentar të LVV-së ka thënë se ky do të jetë thelbi i marrëveshjes përfundimtare në dialogun me Serbinë.

Bashkimin e Luginës e ka quajtur një mashtrim, derisa ka përmendur komunat e veriut të vendit, si territore që do t’i jepen Serbisë.

Sipas Konjufcës, presidenti Thaçi do të duhej të ndalohej nga Policia e Kosovës me një urdhër të kryeprokurorit për shkelje të Kodit Penal e Kushtetutës së vendit.

Konjufca ka thënë se Presidenti nuk ka mandat për të negociuar për asgjë, e aq më pak për territorin e vendit.