Ramush Hashani dëshiron që prodhimet e Kosovës ti shes në Francë

Në Prishtinë është mbajtur edhe këtë vit Konventa e Veshmbathjeve të e cila ka për qëllimi t’i promovoj prodhuesit e veshmbathjeve të Kosovës dhe për ta mbështetur rritjen e industrisë së veshmbathjeve. Në këtë event kanë pasur mundësi që të shkëmbyen përvojat e tyre prodhuesit kosovarë e investitorë të huaj.

Për të krijuar një bashkëpunim të tillë dhe për të ndihmuar njëkohësisht ekonominë kosovare, biznesmeni Ramush Hashani, i cili vepron në Francë ka zgjedhur vendlindjen e tij për të prodhuar brendin e tij të veshmbathjeve sportive.

E konventën, Hashani e ka shfrytëzuar për të vendosur kontakte me prodhuesit nga Kosova, me qëllim që produktet e tij të prodhohen në Kosovë në mënyrë që më pas të eksportohen në vendet e tjera.

“Mbasi jam i Kosovës, kisha dëshirë me prodhuar këtu në Kosovë e me importuar në Francë, po dhe në Evropë diku tjetër, në Gjermani, Zvicër, Angli. Pse jo edhe në Amerikë e Kanada, sepse tregun e kemi, e dimë se qysh shkojnë punët. Deri tash e kemi punuar me brende të njohura por tash po tentojmë që ta bëjmë një brend tonin sportiv të veshmbathjeve”, ka thënë Hashani.

Për të njëjtin qëllim, në Kosovë ka ardhur edhe francezi Marc Pomarat, i cili  është shprehur shumë optimist se do të arrijë bashkëpunim me prodhues vendor. Krahas investitorëve potencial që kishin ardhur nga jashtë, edhe përfaqësues të kompanive vendore kishin interesat e tyre për zgjerim të biznesit.