Policia e Shtetit reagon pas vrasjes së shtetasit shqiptar nga policia greke

Ditën e djeshme, Albinfo.ch ka shkruar në lidhje me vrasjen e një shqiptari nga policia greke.

Me anë të një deklarate, Policia e Shtetit thotë se informatën e kanë marrë gjatë ditës së djeshme. 

“Sipas informacionit të Policisë greke, shtetasi A.M., 39 vjeç, humbi jetën gjatë një shkëmbimi zjarri. Policia e Shtetit është në proces të vazhdueshëm shkëmbimi informacioni me Policinë greke për këtë çështje”, ka thënë policia. 

Gjithashtu policia ka deklaruar se Ministria për Evropën dhe Punët e Jashtme po kryen hapat e nevojshme me autoritetet homologe greke. 

“Policia e Shtetit siguron qytetarët dhe familjarët e viktimës se do të ndiqen të gjitha hapat në kuadër të bashkëpunimit diplomatik dhe policor dypalësh, për sqarimin e situatës dhe të rrethanave ku humbi jetën shtetasi shqiptar”, thotë në fund policia