Tre të kërkuar bënë që policia shqiptare dhe ajo italiane të ndërmarrin një operacion

Tre shqiptarë të shpallur në kërkim ndërkombëtar janë arrestuar gjatë një operacionit të përbashkët mes policisë shqiptare dhe asaj italiane. Gjatë operacionit të koduar “Korabi”, në Dibër u arrestuan 38-vjeçari me iniciale B.Gj. dhe 32-vjeçari me iniciale Q.A.(M).

Gjatë kohës që aksioni zhvillohej në Shqipëri, njëkohësisht në Itali u arrestua edhe 49-vjeçarja shqiptare me iniciale H.R., pjesë e këtij grupi.

Të tre këta persona ishin shpallur në kërkim ndërkombëtar pasi më 25 Qershor 2019 Gjykata e Rieto ka vendosur në mungesë masën e sigurisë arrest në burg për veprat penale “Organizatë kriminale”, “Vjedhja me armë, kryer në bashkëpunim”, “Mbajtja pa leje e armëve të zjarrit” dhe “Mbajtja e sendeve të vjedhura”.

Më 4 Maj 2019, tre të arrestuarit kanë vjedhur nëpërmjet përdorimit të armëve në banesën e shtetasit italian A.L., një sasi bizhuterish dhe shumën 60.000 Euro, që ndodheshin në kasafortën e këtij të fundit dhe më pas janë laguar nga vendi i ngjarjes me një automjet të vjedhur. Vijon puna për dokumentimin me prova ligjore edhe të vjedhjeve të tjera, që dyshohet se janë kryer në Itali nga ky grup, shkruan TV Klan, përcjell Albinfo.ch.