Shteti nuk drejtohet me folklorizëm

Kryetari i Lidhjes Demokratike të Kosovës, Isa Mustafa, duke komentuar dorëheqjet e katër kryetarëve të komunave veriore ka kërkuar që për këtë çështje të mblidhet Qeveria dhe Kuvendi.

“Veprimet e sotme të serbëve në veri të vendit, dorëheqjet e kryetarëve të katër komunave dhe rezoluta për të ndërprerë komunikimin me “Prishtinën”, siç shprehen ata, janë sinjal i qartë se kah po shkon vendi, ka thënë kreu i LDK-së.

Ai ka shkruar se qeveritarët nuk janë për të bërë figura me duar, por për t’u kujdesur për funksionimin kushtetues të vendit. “Shteti nuk mbahet dhe nuk drejtohet me folklorizëm, duhet të jemi të kujdesshëm për veprimet dhe vendimet tona dhe pasojat e tyre për tërësinë territoriale të vendit. Në këtë situatë, konsideroj se duhet të mblidhet Qeveria dhe Kuvendi i Kosovës”, ka shkruar Mustafa, përcjell albinfo.ch.