Maqedonia, e gatshme për shkëmbim tregtar me Kosovën

Ilustrim

Pas vendimit të qeverisë së Kosovës për rritjen e taksës 100% për  produktet e importuara nga Serbia dhe Bosnja, tregtarët e Maqedonisë kanë shprehur interesim për të rritur shkëmbimet tregtare me Kosovën.  Drejtori i Odës  Ekonomike të Maqedonisë Veri-perëndimore, Drilon Iseni, ka thënë se ekziston një mundësi e mirë për tregtarët maqedonas që të kenë përfitime.

“Ky rast duhet shfrytëzuar, si për të ndihmuar tregun kosovar me produktet që ekzistojnë në Maqedoni, si për të përfituar t’i jepet një stimul i ri shkëmbimit tregtar mes dy vendeve”, ka thënë Iseni për REL,përcjell Albinfo.ch

Megjithatë, Ministria maqedonase e Ekonomisë konsideron se të tilla përfitime do të ishin afatshkurtra. Ministri Kreshnik Bekteshi tha se Shkupi nuk do të përzihet në këtë çështje, por do t’i lerë palët ta zgjidhin vetë problemin