Basha: U jemi mirënjohës atyre që u sakrifikuan

Drejtuesit e Partisë Demokratike të Shqipërisë kanë bërë homazhe te Varrezat e Dëshmorëve të Kombit në Ditën e Pavarësisë së Shqipërisë

. Kreu i PD-së, Lulzim Basha, tha se gjithherë përkulemi me nderim para sakrificave të mijëra shqiptarëve që dhanë jetën për lirinë, shkruan Albinfo.ch

“ Jam sot në krah të gjithë qytetarëve që janë ngritur për të mbrojtur liritë dhe të drejtat e tyre dhe e konsideroj ditën e sotme edhe një ftesë për një bashkim të madh të të gjithë shqiptarëve në një betejë të përditshme dhe pa pushim derisa liria e çdo shqiptari të jetë e pacenuar dhe e garantuar ashtu siç është në ligj dhe Kushtetutë”, tha Basha, i cili shmangu komentet politike lidhur me kërkesën e ambasadores gjermane për kthimin e opozitës në Kuvend.