Gruaja e parë në krye të ushtrisë së Sllovenisë

Sllovenia është shteti i vetëm i NATO-s, i cili në krye të ushtrisë së saj ka një grua. Gjeneralmajorja Alenka Ermenc ka marrë këtë post nga e mërkura. Ish-komandantja 55- vjeçare karrierën e saj ushtarake e filloi në vitin 1991, kur shteti fitoi pavarësinë nga Jugosllavia.

Gjeneralmajorja Ermenc deri tash mbante postin e zëvendësshefes së stafit të presidentit Borut Pahor, derisa pas emërimit në post të ri tha se shpreson të përmirësojë performancën e ushtrisë, shkruan Albinfo.ch

“Trendi global i përkeqësimit të situatës së sigurisë vazhdon dhe pavarësisht pse Sllovenia nuk është e kërcënuar në mënyrë direkte, duhet ta përmirësojë performancën e ushtrisë”, tha ajo pas marrjes së postit.

Ermenc përndryshe arsimin e lartë e kreu në Angli dhe nga e mërkura do ta zëvendësojë në post gjeneralmajorin Alan Geder. Sllovenia ka përafërsisht 7500 ushtarë, përfshirë forca aktive dhe rezervë.