Parlamenti Europian: Të liberalizohen vizat për Kosovën

Parlamenti Evropian u ka bërë thirrje Këshillit të BE-së që të lëvizë përpara drejt liberalizimit të vizave për Kosovën.

Në rezolutën të cilën e miratoi Parlamenti Evropian, theksohet se tashmë Kosova i ka përmbushur gjitha kushtet e kërkuara për liberalizim të vizave, shkruan REL, përcjell Albinfo.ch

Në këtë document po ashtu flitet edhe për përparimin dhe ngecjet që institucionet e Kosovës i kanë bërë drejt progresit të agjendës evropiane.

Raporti gjithashtu ka theksuar nevojën e depolitizimit dhe ristrukturimit të administratës publike edhe pse thekson disa përparime që janë bërë në këtë drejtim.

Shqetësuese sipas eurodeputetëve mbesin korrupsioni dhe krimi organizuar, fusha këto në të cilat ata kërkojnë përpjekje të përbashkëta për përmirësimin e situates.

“Financimi jo i duhur i sistemit gjyqsor, korrupsioni i përhapur, elementet e kapjes së shtetit, ndikimet politike në sistemin e drejtësisë” janë disa prej çështjeve që eurodeputetët i ngrisin si shqetësuese në këtë rezolutë për Kosovën.