Të mërkuren lansohet Muzeu Virtual i Refugjatëve në Kosovë

Nisma e të Rinjve për të Drejtat e Njeriut – Kosovë (YIHR KS) do të bëjë lansimin e Muzeut Virtual të Refugjatëve me datë 12 dhjetor të këtij viti në Muzeun e Kosovës duke filluar prej orës 18:00.

Eksodi i refugjatëve gjatë luftës së fundit në Kosovë është pjesë thelbësore e së kaluarës dhe e së tashmës sonë, duke marrë parasysh se rreth 1 milion njerëz janë larguar nga shtëpitë e tyre. Megjithatë, ende mungon memorializimi dhe dokumentimi i pervojave të refugjatëve duke i dhënë rëndësi vetëm rrëfimeve të heronjve e martirëve. Rrefimet e njerëzve vazhdojnë të mbesin të heshtura në mungesë të hapësirës për t’u dëgjuar, shkruan Albinfo.ch.

Sipas nismës: “Ky Muze do të kontribuojë në njohjen simbolike të vuajtjeve të civilëve nga të gjitha grupe etnike, gjatë luftës në Kosovë. Gjithashtu, përmes kësaj nisme synojmë të nxisim debat publik dhe gjithëpërfshirës për të kaluarën dhe të rrisim empatinë sociale duke shpërfaqur rrëfime të ndryshme”.

Ky projekt perkrahet nga Ambasada Zvicerane në Prishtinë.