Gjykata Speciale fton edhe ish-komandantin, Sami Lushtaku

Gjykata Speciale ka vazhduar me ftesa të tjera për të intervistuar persona që mund të lidhen me aktakuzat e tyre. Ish-komandanti i UÇK-së, Sami Lushtaku, është ftuar nga Gjykata Speciale për intervistim. Lajmin e ka bërë të ditur avokati i tij, Arianit Koci, shkruan albinfo.ch

“Me autorizimin e klientit tim ju njoftoj se Lushtaku ka pranuar një ftesë që më 14 janar 2019 të paraqitet pranë Zyrës së Prokurorit të Specializuar të Kosovës në Hagë. Kjo është ftesë për intervistim. Sami Lushtaku do të paraqitet vullnetarisht dhe është i gatshëm të sqarojë çdo rrethanë të cilën është duke e hetuar”, ka thënë avokati Koci.

Edhe Nazif Mehmeti, i njohur si komandant Dini, është i ftuari tjetër, ka konfirmuar avokati Tahir Rrecaj.