Kurti: 2018-a, me përplot korrupsion

Lideri i Lëvizjes Vetëvendosje, Albin Kurti, ka thënë se këtë vit Java kundër korrupsionit po shënohet në një viti me përplot korrupsion si asnjë tjetër. Ai ka shkruar se në vend se Kosova të ketë gjykata normale që akuzojnë, gjykojnë e dënojnë kriminelët e paqes, shfaqet Gjykata Speciale që do të merret me ‘krimet’ e luftës.

Kreu i VV-së ka cituar një raport që thotë se shumica gabimisht mendojnë së Gjykatës Speciale e Kosovës do t’i ndjekë penalisht krimet që lidhen me korrupsionin dhe kapjen e shteti. Kurti ka thënë se nuk të rritet luftimi i krimit me rritjen pagave të prokurorëve, shkruan albinfo.ch

Ai ka kërkuar që të rritet numri i prokurorëve të specializuar për krimin e organizuar e korrupsionin e lartë dhe përgatitja tyre si dhe ka kërkuar që të rishikohet legjislacioni.

“Duhet të ristrukturohet prokuroria me prurje të reja edhe jashtë trajektores së parashikueshme që mbizotëron tani, si dhe të riorganizohet provimi i jurisprudencës për luftimin e kapjes së shtetit dhe krimit financiar. E kjo nënkupton fillimisht një a dy prokurorë që nuk i frikësohen kryeministrit e presidentit, zullumqarëve e mujsharëve të tjerë, por përkundrazi – ndjellin frikë tek ata!”, ka shkruar Kurti.