Sejdiu, i kënaqur me investimet në QKUK

Drejtori i Shërbimit Spitalor dhe Klinik Universitar, Basri Sejdiu, e ka vlerësuar lart bashkëpunimin që iu është ofruar nga Ministria e Shëndetësisë që pacientëve në Kosovë t’u ofrohet shërbim më cilësor në spitalet publike, shkruan albinfo.ch

“Në QKUK identifikimi ka qenë në atë formë që të intervenohet në ato klinika që kanë numër më të madh të frekuentuar të pacientëve. Duke filluar nga Qendra Emergjente që më së paku i ka ngjarë një klinike normale, por ka qenë më shumë një klinikë fushore, me hyrje nga të gjitha anët, e papërshtatshme për pacientët. Është investuar me pajisje krejtësisht të reja, ku pacientët ndihen më të sigurt, por edhe ata që ofrojnë shërbimet ndihen më komod”, ka thënë Sejdiu.

Ai e ka paraqitur si sukses edhe blerjen e pajisjeve në shumë klinikave, duke thënë se tash edhe po kryhen shërbimet e munguara. “Viti 2019 do të jetë vit që do të vazhdojë me modernizim në funksionalizim të shërbimeve dhe do të jetë vit që do të orientohemi edhe në spitale regjionale”, ka thënë drejtori i SHKUK-së.