Vuçiq: KFOR-i duhet ta shpërbëjë ushtrinë e Kosovës

Presidenti i Serbisë, Aleksandar Vuçiq, ka deklaruar nga Trsteniku se qëllimi i Prishtinës për të formuar ushtrinë nuk është në pajtueshmëri me ligjin, ose me Rezolutën 1244, shkruan albinfo.ch

Sipas tij,  detyra e KFOR-it është të shpërbëjë këtë ushtri. “Kosova është një problem shumë i madh për ne, veçanërisht për shkak të lëvizjes së Prishtinës dhe shpalljes së formimit të një ushtrie, e cila nuk është e bazuar as në ligj, as në Rezolutën 1244. Obligimi i KFOR-it është të shpërndajë ushtrinë, por ata nuk do ta bëjnë këtë gjë”, ka deklaruar presidenti serb.

Ai ka shtuar se do të bëjnë çdo gjë që ta mbrojë popullin serb në Kosovë, por ka shtuar se nuk do ta lejojë poshtërimin e Serbisë dhe të popullit serb nga bota.