Meta merr çmimin “Politikani ndërkombëtar i vitit 2018”

Presidenti i Shqipërisë, Ilir Meta është vlerësuar me çmimin “Politikani ndërkombëtar i vitit 2018” nga Fondacioni “Foedus” për promovimin dhe forcimin e marrëdhënieve dhe miqësisë mes Shqipërisë dhe Italisë, transmeton albinfo.ch.

Në ceremoninë e zhvilluar në Romë, me temë “Një dhuratë për një buzëqeshje”, Presidenti i Fondacionit “Foedus”, Mario Baccini, duke i dorëzuar çmimin prestigjioz Presidentit Meta theksoi se ky vlerësim u jepet çdo vit atyre personaliteteve italiane dhe të huaj, të cilët kanë spikatur në fushat e tyre.

Ndërsa Meta duke falënderuar Fondacionin “Foedus” për vlerësimin e bërë ndaj tij u shpreh se ky çmim u shkon mijëra shqiptarëve që jetojnë dhe punojnë në Itali.