Mërgimtarëve në Itali nuk do u duhet më certifikata e vlefshmërisë

Shqiptarëve në Itali nuk do tu duhet më të marrin certifikatë vlefshmërie për dokumentet e tyre që përdorin në shtetin italian ka njoftuar Ministri i Jashtëm i Shqipërisë, Ditmir Bushati, në një konference të përbashkët me ambasadorin e Italisë në Shqipëri.

“Do të hiqet certifikimi i përkthimit të dokumentit që deri më sot shtetasit tanë kanë bërë pranë Ambasadës italiane. Po ashtu edhe shërbimet për certifikatën, dëshminë e penalitetit etj si këto do të mund ti marrin online, duke kursyer kështu kohë dhe para. Kemi mundësi për të ofruar një shërbim të ri që do të merret më me pak kosto financiare, do të merret brenda një harku kohor më të shkurtër”, ka thënë ministri.

2.6 milion euro deri tash  Ambasada italiane përfitonte për këto shërbime. Ambasadori italian, Alberto Cutillo, tha se nëse ka cilësi në shërbim, për Italinë kjo nuk do të jetë problem.