Shpërthejnë dy bomba në Somali, 13 të vdekur

Ilustrim

Policia në Somali thotë se të paktën gjashtë persona janë vrarë, pas shpërthimit të dy bombave në afërsi të pallatit presidencial në kryeqytetin Mogadishu.

Një zyrtar ushtarak tha se në mesin e të vrarëve ka ushtarë dhe civilë, shkruan REL, përcjell Albinfo.ch.

“Numri i viktimave ka shkuar në 13, ku përfshihen civilë dhe ushtarë. Ndërkaq të plagosur janë edhe 17 persona të tjerë”, tha ky zyrtar.

Grupi ekstremist, al-Shabaab ka marrë përgjegjësinë për shpërthimet me bomba.

Al-Shabaab po kërkon që të rrëzojë Qeverinë somaleze dhe të zbatojë interpretimin e tij strikt të ligjit islamik. Grupi ekstremist ka vrarë mijëra somalezë dhe qindra civilë në mbarë Afrikën Lindore, gjatë kryengritjes së tij prej një dekade.