Merdar, pritjet deri në 90 minuta

Edhe paraditen e sotme kanë vazhduar pritje të gjata të mërgimtarëve që po vijnë për festat e fundvitit në pikat kufitare mes Kosovës dhe Serbisë, në Merdar dhe në Dheun e Bardhë.

Sipas njoftimit të Qendrës Kombëtare për Menaxhimin Kufitar, pritje më të gjata ka në pikëkalimin kufitar Merdar, përcjell albinfo.ch.

Atje kolonat e makinave në hyrje nga Serbia në Kosovë janë deri në 450 metra, ndërsa pritjet janë nga 60 deri në 90 minuta.

Pritje në hyrje ka edhe në pikëkalimin kufitar te Dheu i Bardhë deri në 40 minuta si dhe në Mutivodë deri në një orë. Edhe Policia e Kosovës ka apeluar te mërgimtarët që të shmanget pikëkalimi kufitar në Merdar, në mënyrë që t’u iket kolonave.