Bora bllokon shumë rrugë në Shqipëri

Temperaturat e ulëta dhe reshjet e dëborës kanë përfshirë gjithë Shqipërinë që kanë sjellë edhe problemet e përvitshme me bllokimin e rrugëve malore.

Emergjencat civile thonë se kanë marrë masat në të gjitha qarqet e vendit, përcjell albinfo.ch.

“Janë kontaktuar të gjithë prefekturat dhe rezulton se janë organizuar dhe funksionojnë shtabet e emergjencave. Prefekturat me problematike me prezencë të shtuar dëbore dhe vështirësi në rrugë janë Korça, Gjirokastra, Shkodra/Bashkia Pukë, Dibra dhe Kukësi. Në akset kryesore nacionale nuk ka bllokim rrugësh, ndonëse disa janë të detyrueshme të lëvizet me zinxhirë”, thuhet në njoftim.