Paditet firma zvicerane e sigurimeve, i kërkohet të paguajë 100 milionë dollarë

Firma zvicerane e sigurimeve “Cyrih“ është objekti i një padie të ngritur nga një prodhues ushqimor amerikan, i cili dëshiron ta detyrojë kompaninë zvicerane që të paguajë për humbjet që ka ndodhur përmes një sulmi kibernetik.

Në qershor të vitit 2017, një varg biznesesh aktive globale u bën objektivi i një sulmi kibernetik. Një nga viktimat ishte “Mondelez“, një prodhues me bazë në Uashington, i cili zotëron edhe markat e çokollates Toblerone dhe Suchard, përcjell albinfo.ch

“Mondelez“ humbi 1,700 servera dhe 24,000 laptopë përmes sulmit dhe kërkoi kompensim nga firma e tij e sigurimeve, “Zurich Insurance Group“. Ndërmarrja zvicerane megjithatë refuzoi të paguajë 100 milionë dollarë të kërkuara dhe gjithashtu nuk i ka paguar 10 milionë dollarë të ofruara fillimisht si kompensim.

Arsyeja për refuzimin e pagesës: 

Politika e sigurimit përjashtoi kompensimin për dëmet e shkaktuara nga veprimet armiqësore dhe luftarake në kohë paqeje, të orkestruar nga një qeveri apo pushtet sovran. Çështja kryesore është se Zurich Insurance konsideron sulmin “Petya” të jetë një akt armiqësor i orkestruar nga Rusia.

“Mondelez“ tani ka ngritur një padi duke pretenduar 100 milionë dollarë, sipas raporteve të medias. 

Kompania është e etur për të parë nëse dhe si sigurimi i Cyrihut mund të provojë se sulmi në të vërtetë ishte një akt armiqësor i urdhëruar nga qeveria ruse.

Nëse sigurimi i Cyrihut fiton rastin megjithatë, të gjithë siguruesit duhet të marrin një vështrim në politikat e tyre që mbulojnë sulmet kibernetike.