A do ta tërheqë Amerika mbështetjen për ushtrinë ?

Ilustrim

Kryeministri i vendit, Ramush Haradinaj, ka thënë se nuk ka kthim mbrapa sa i përket formimit të ushtrisë së Kosovës.

Ai ka thënë se për këtë vendim nuk ka kthim mbrapa as prej Amerikës. Këto deklarata Haradinaj i bëri pas mbledhjes së Qeverisë, kur u pyet se a do ta tërheqë përkrahjen Amerika për ushtrinë në rast se Kosova nuk e tërheq taksën për produktet serbe, shkruan telegrafi, përcjell albinfo.ch.

“Respekti dhe dashuria ndaj Amerikës janë pa kushte, besnikëria jonë është e vërtetë. I kem do punë të shtëpisë tona, të cilat do t’i kryejmë për interesin tonë. Nuk ka qenë e lehtë arritja deri tek ushtria, s’ka kthim mbrapa për ushtrinë prej Amerikës”, u shpreh Haradinaj.

Ai, duke komentuar letrën e Departamentit të Shtetit për këtë gjë, e cila u publikua në media, tha se letra nuk është zyrtare, pasi që është me burime dhe se kontakti i drejtpërdrejtë i Qeverisë me Amerikën është përmes ambasadorit Philip Kosnett.