Ujëvara më e madhe brenda aeroportit më të bukur

Ujëvara do të jetë 40 metra e do të burojë nga qendra e kupolës

Ujëvara e mbuluar më e madhe në botë do të gjendet në një aeroport, jo në një çfarëdo, por në “Changi Airport”, “thesarin” e Singaporit, që njihet tashmë si më i bukuri në botë.

Brenda këtij viti është parashikuar inaugurimi për kupolën e së ardhmes me xham në atë që më parë ishte një parking i aeroportit ndërkombëtar.

Një strukturë prej 134 mijë metrash katrorë në 10 kate që do të mirëpresë një seri kopshtesh të ngjashme me pyjet, 130 dhoma hoteli, 300 restorante e dyqane, një park botanik dhe një urë gjigande. Më pas, natyrisht edhe ujëvara që ka një kosto prej 1,5 miliardë euro, transmeton ‘Scan’.

Punimet kanë nisur në vitin 2014. Dhe “Rain Vortex” do të jetë padyshim pjesa më tërheqëse e projektit, përcjell albinfo.ch.

Ujëvara do të jetë 40 metra e do të burojë nga qendra e kupolës. Uji që rrjedh do të rrethohet nga kopshtet në 5 kate ku janë pozicionuar edhe hapësirat tregtare.

---