Nis rehabilitimi i hekurudhës Fushë Kosovë – Hani i Elezit

Është mbajtur ceremonia e nënshkrimit të kontratës komerciale për rehabilitimin e linjës së 10-të hekurudhore, segmenti Fushë Kosovë – Hani i Elezit.

Me këtë rast, kryeministri i Kosovës, Ramush Haradinaj, tha se kjo është një ditë feste për Kosovën.  Kryeministri  shtoi se përgjatë kësaj kohe do të hapen edhe vende të punës. Ndërsa u zotua se në pranverën e vitit 2021 hekurudhat do të jenë të përfunduara deri në Merdar e në Leshak.  Në anën tjetër, ministri i Infrastrukturës, Pal Lekaj, tha se investimi në hekurudha është një lajm i mirë. E, sipas Kryeshefit ekzekutiv të Infrakosit, Agron Thaçi, me këtë investim Kosova do të ketë një hekurudhë moderne.