Kohët kanë ndryshuar: Dikur emigrant, tashmë ndihmon gjeneratat e dyta për Shqipërinë

Ndonëse u rrit dhe u arsimua në Itali nuk i shkëputi asnjëherë lidhjet me vendlindjen

Duket se kohët kanë ndryshuar. Nëse në fillim të viteve ’90, shqiptarët ishin një popull që po largoheshin të dëshpëruar pas një izolimi afër 50 vjeçar, sot kushtet e fëmijëve emigrantë kanë ndryshuar.

Prindërit kanë sakrifikuar shumë për fëmijët e tyre, që të kenë një jetë më të mirë, shkruan albinfo.ch.

Njëri prej tyre është edhe Andi Shahaj. Ai u largua nga Shqipëria në moshën 6-vjeçare. Ndonëse u rrit dhe u arsimua në Itali nuk i shkëputi asnjëherë lidhjet me vendlindjen.

Sot ai është aktivist në shoqatën shqiptare “Nënë Tereza”, në Modena të Italisë, ku ndihmon fëmijët e gjeneratës së dytë të emigrantëve të viteve ‘90 të njohin vendin e tyre të origjinës, Shqipërinë.

Sot gjeneratat e dyta flasin mirë gjuhën shqipe dhe nuk e harrojnë vendlindjen e tyre.

---