Haradinaj akuzon Thaçin se po bëhet zëdhënës i SHBA-së

Kryeministri i Kosovës, Ramush Haradinaj, ka njoftuar se në takimin që kanë pasur gjatë mëngjesit me liderët e institucioneve dhe ekipin negociator janë dakorduar për platformën për dialogun me Serbinë, e cila, sipas tij, i obligohet kushtetutshmërisë dhe është një garanci se nuk prekën kufijtë.

“Mendoj që platforma është një dokument i qëndrueshëm, i parimeve, por edhe i qëllimeve që ka Kosova në dialog, buron nga Kushtetuta, mbron Kushtetutën e vendit dhe personalisht i jap përkrahje”, tha Haradinaj, përcjell albinfo.ch.

Kryeministri kosovar ka folur edhe për mesazhet që po merr nga presidenti Thaçi për prishje të raporteve me SHBA-në.

Haradinaj ka thënë se Amerikës nuk i dihet zëdhënës, se flet vetë. “As presidenti, as unë, as askush nuk është zëdhënës i Amerikës, nuk ka nevojë me fol për ta, ata flasin vetë, dinë me fol, i shpjegojnë gjërat”, ka thënë Haradinaj.