Çfarë ndodh në një minutë interneti në botë?

Shkëmbehen 187 milionë e-maile dhe 38 milionë mesazhe WhatsApp, 18 milionë mesazhe me tekst, shkarkohen 375 mijë aplikacione dhe pothuajse 900 mijë dollarë shpenzohen për tregti elektronike, është ky bilani sipas kompanisë ”Cefriel”.

“Në dy apo tre vjetët e fundit, pothuajse 90% e të dhënave të disponueshme të krijuara deri më tani mund të përdoren për të rritur efikasitetin e kompanive, për të përmirësuar marrëdhëniet me klientët dhe për të krijuar mundësi të reja biznesi”, shpjegon Francesco Mapelli, kreu i Advanced Analytics në “Cefriel”, shkruan atsh, përcjell albinfo.ch.

”Çdo ditë gjenerohen 1 000 000 000 000 000 000 (quintilionë) byte”, tha kompania.

Për të vazhduar numërimin e asaj që ndodh çdo minutë në internet ka edhe video të Snapchat, 2,4 milionë, logins në Facebook 973 mijë, ndërsa Twitter dërgohen 481 mijë postime.

Faqet në Instagram arrijnë deri në 174 mijë.