Dua Lipa, me figurë dylli në “Madame Tussauds”

Në mesin e shumë yjeve të famshme në muzeun “Madame Tussauds” në Londër prej mbrëmë është edhe një shqiptare. 

Bëhet fjalë për këngëtaren e famshme, Dua Lipa, së cilës i është vendosur figura prej dyllit. Krijuesja e hitit “One Kiss” befasoi fansat e mbledhur në muze dhe pozoi me figurën e saj, një javë pasi fitoi dy çmime “Grammy”.

23-vjeçarja dukej joshëse gjatë paraqitjes së saj në muze dhe u shoqërua nga i dashuri i saj, Issac Carew dhe familjarët e saj.  “Natën e kaluar shkova ku u bë zbulimi i figurës sime prej dylli në Madam Tussaud, përcjell albinfo.ch.

Ndjehem shumë mirë  dhe plotësisht surreal. Faleminderit për të gjithë fansat që zbritën për të ndarë ato moment me mua!”, ka shkruar Dua në Instagram.