Dorëzohet avioni në shërbim të Qeverisë zvicerane

(KEYSTONE/Anthony Anex)

Një avion afarist i shërbimit të transportit ajror, i është dorëzuar të martën Konfederatës zvicerane dhe forcave ajrore.

Avioni i ri afarist i shërbimit të transportit ajror të Konfederatës (STAC), është dorëzuar të martën në prani të Ueli Maurer, president dhe përfaqësues i Konfederatës, Oskar J. Schwenk, kryetar i bordit të drejtorëve të Pilatus, si dhe të divizionerit Bernhard Müller, komandant i forcave ajrore zviceriane. Pilatus PC-24 është vendosur në bazën federale në aeroportin Berne-Belp dhe tani është në dispozicion të qeverisë për udhëtime.

Ekzaminimet për blerjen e një PC-24 Pilatus për shërbimin e transportit ajror të Konfederatës (STAC) filluan në 2013/2014. Vendimi për ta blerë, marrë nga Këshilli Federal në korrik 2014, si dhe njoftimet publike të bëra gjatë ceremonisë së inaugurimit dhe përvjetorit në Pilatus më 1 gusht 2014, shënuan nisjen e projektit PC-24 për STAC.

Projekti përfundoi me dorëzimin simbolik të “çelësave” të avionit nga kryetari i bordit, Oskar J. Schwenk, tek presidenti i Konfederatës, Ueli Maurer. Në të ardhmen, qeveria zvicerane do të lëvizë në një avion të zhvilluar dhe prodhuar në Zvicër. PC-24 është pilotuar nga pilotët e forcave ajrore të Zvicrës. Avioni i prodhuar në Zvicër zëvendëson një avion që ka arritur në fund të jetës së tij.