Bashkimi Evropian: Jemi pro protestës, por kundër dhunës

Shefja e Politikës së Jashtme të Bashkimit Evropian, Federica Mogerini dhe komisioneri Johannes Hahn kanë thënë se ata janë pro që opozita të protestojë, por kanë bërë thirrje që të shmanget dhuna. 

Mogherini dhe Hahn kanë kërkuar që qeveria dhe opozita të angazhohen në diskutime konstruktive me qëllim tejkalimin e situatës aktuale politike në të mirë të Shqipërisë dhe qytetarëve të saj. 

“Duke pasur parasysh protestat në Shqipëri, ne riafirmojmë të drejtën e qytetarëve për t’u angazhuar në demonstrata paqësore si një tipar thelbësor dhe një vlerë thelbësore e demokracisë, por ne fuqimisht denoncojmë çdo retorikë nga udhëheqësit politikë që bëjnë thirrje për dhunë”, thuhet në deklaratën e përbashkët.