Turqi: Konfiskohet një pikturë e Jezusit

Policia turke ka konfiskuar një pikturë të shekullit të 13-të që përshkruan kryqëzimin e Jezusit. “Piktura është zbuluar kur policia bastisi zyrën e një kontrabandisti të dyshuar të gjërave antike në provincën qendrore turke Kayseri”, tha një burim i sigurisë turke, i cili foli në kushte anonimiteti, për shkak të kufizimeve në bisedat me mediat.

Forcat turke konfiskuan pikturën me masë 200×140 centimetra, e cila tregonte Jezusin e kryqëzuar me dy gra dhe një burrë që qëndronte pranë, duke përfshirë shkrimin latin dhe hebraik në të.

I dyshuari u arrestua dhe autoritetet po hetojnë prejardhjen e pikturës.