Dështon votimi i draft-rregullores së Kuvendit të Kosovës

Seanca e Kuvendit të Kosovës ka filluar me një orë vonesë në mungesë të kuorumit. 

Ndërsa, ka dështuar votimi i draft-rregullores së Kuvendit, pasi që në seancë kanë qenë vetëm 70 deputetë, derisa për kalimin e saj nevojiten votat e 2/3 të deputetëve. 

Kjo është legjislatura e tretë me radhë që po dështon të kalojë ndryshimet në Rregulloren e Kuvendit.  Në rend dite, mes tjerash kanë qenë edhe zgjedhja e kryesuesit të ZRRE-së, një anëtari të bordit të RTK-së dhe një nga komunitetit serb, dhe një anëtari të KPM-së. 

Nga 88 votat e numëruara për kryesues të ZRRE-së, votimi do të përsëritet për kandidatët Petrit Pepaj dhe Bekim Jakupi, që morën më shumë vota se kundërkandidatët e tyre. 

Ndërsa, konkursi do të përsëritet për një anëtar bordi të RTK-së nga komunitetet shumicë, pasi nga dy kandidatët, Labeat Abdullahu dhe Doruntina Çeku, asnjëri nuk mori shumicën e nevojshme.