13-vjeçari shqiptar që po bën bujë në mediat austriake

Televizioni austriak ORF 2 ka realizuar një storie me talentin shqiptar Erion Hoti dhe ka biseduar për të ardhmen e tij, përcjell albinfo.ch

Vetëm 13-vjeçar, këngët e tij kanë mbi 30,000 klikime në Youtube. Adoleshenti shqiptar nga Vjena e Austrisë, Erion Hoti, tashmë është një yll i vogël në internet.

Televizioni austriak ORF 2 ka realizuar një storie me talentin shqiptar dhe ka biseduar për të ardhmen e tij.

Që në moshën 3-vjeçare ai ka zbuluar dashurinë e tij për këndim. Tash, dhjetë vjet më vonë, Erion Hoti po i befason të gjithë. Vetëm në Instagram atë e përcjellin afro 10 mijë fansa.

Për adhuruesit e tij, Erioni këndon shqip, gjermanisht dhe anglisht. I riu flet rrjedhshëm në tri gjuhë – shqip, gjermanisht dhe maqedonisht, përcjell albinfo.ch.

Ai di të luajë me kitarë dhe prej gushtit të vitit të kaluar, edhe me piano. Pasioni i tij më i madh është këndimi.

Këngët e tij më të dëgjuara janë, shqip: “Në trojet e Shqipërisë”  dhe kënga anglisht: “Peace & Love”.

Prindërit e Erionit, nëna Florija dhe baba Sabi e mbështesin djalin e tyre 13-vjeçar, por për Erionin primare është shkolla.
Ai ende nuk fiton para prej muzikës, por qëllimi i tij është të vazhdojë me muzikë dhe të bëhet një këngëtar i suksesshëm.

---