170 turistë kanë zbarkuar këtë të shtunë në Vlorë

170 turistë nga Belgjika, Franca dhe Zvicra kanë zbarkuar këtë të shtunë, 09 mars 2019, në Vlorë, me anijen “La belle de L’ Adriatik”. Mbërritur nga Duvroniku i Kroacisë, anija do të qëndrojë në Vlorë këtë të shtunë, për të vijuar më pas drejt Sarandës dhe ishullit të Korfuzit në Greqi. Veç Vlorës, turistët kanë pasur mundësinë që sot të vizitojne nga afër dhe qytetin e Beratit dhe parkun arkeologjik të Apollonisë në Fier, ndërsa është e treta herë që mbërrin në brigjet shqiptare një anije e tillë, që itenerare të tilla do t’i ketë tashmë të zakonshme gjatë sezonit turistik të këtij viti, duke e kthyer Vlorën një nga destinacionet kryesore turistike.

Për ata turistë, të cilët kanë mbërritur në Vlorë, qyteti bregdetar është me të vërtetë dicka e veçantë, i bukur dhe që ofron një pamje mahnitëse, por veç Vlorës, kanë mundësinë të shohin dhe destinacione të tjera turistike të vendit, duke e kthyer Vlorën dhe Shqipërinë një nga destinacionet kryesore turistike të vitit 2019. Anije të tilla janë tashmë dhe të shpeshta në portet shqiptare dhe kryesisht në Vlorë, ndërsa gjatë sezonit turistik të vitit 2019, Vlora do të jetë një nga destinacionet kryesore turistike, për turistë të huaj dhe nga vende të ndryshme të Europës dhe botës.