Debat mes gjeneratash rreth migracionit

“Institut Neueschweiz” nga Zvicra lindore, (Kantoni St. Gallen) organizon në Rorschah një aktivitet të llojit të veçantë, ku do të ketë debat në mes të gjeneratave, muzikë, lexim poezish etj., shkruan albinfo.ch.

Në këtë aktivitet të mbiquajtur “Generationsgesprächen aus dem Ostschweizer Migrationsuntergrund” (Bashkëbisedim mes gjeneratave të Zvicrës lindore me `sfond nëntokësor`, që është një lojë fjalësh me “Migrationshintegrund” ose personat me sfond migracioni”), do të bashkëbisedojnë familje migrantësh dhe të tilla me `paravijë migracioni`(sërish lojë fjalësh me termin “prapavijë ose prejardhje migracioni` prej tri ose më tepër gjeneratash.

Me biografi të ndryshme dhe me një të përbashkët si “të huaj” në vendin “e tyre”, ata këmbejnë përvojat e tyre rreth racizmit të përditshëm, diskutojnë, debatojnë, bëjnë muzikë, lexojnë poezi dhe qeshen për më tepër pjesëmarrje dhe demokraci.

Aktiviteti mbahet të dielën, më 17 mars, nga ora 14 deri në orën 16. Hapja e dyerve është në orën 13.30, në Feldmühle, Rorschach.