Haradinaj pranon të ketë ndikim në punësimet në Telekom

Raportimet e ditëve të fundit në mediat e Kosovës për punësimet e shumta të të afërmeve të pushtetit në Telekomin e Kosovës dhe zbardhja e tyre ka detyruar Kryeministrinë e  Kosovës, Ramush Haradinaj që të flasë për këtë fenomen në rritje.

Haradinaj duke u përgjigjur pyetjeve të gazetarëve për punësimin e kunatës së tij në këtë institucion ka thënë se mund të ketë pasur ndikim në punësimin e saj, por sipas tij ky ndikim ka qenë indirekt e madje këtë e arsyetoi me ardhjen e tij në Qeveri.

“Ndikim mund të kem pas indirekt por jo direkt, fakti që jam në qeveri mund të ketë ndikuar me thanë drejtën një pjesë e madhe e kuadrit kanë qenë të privuar, nuk kanë mundur me gjet vende të punës ka mbi 12 vite. Më vije keq që për një vend pune duhet me pas ndikime. Unë bëjë apel që secili që është në punë të shërbejë për atë vend të punës”, ka thënë ai.