Në Gjermani nis iniciativa: Pagë të njëjtë, për punën e njëjtë

Në Gjermani Qeveria ka filluar aplikimin e ligjit që u mundëson punëtorëve më shumë barazi.

Kjo në veçanti për të ofruar barazi gjinore, sepse femrat nuk paguhen njëjtë sikurse meshkujt.

Këtë iniciativë të filluar po e përkrah edhe ministri i Jashtëm, Heiko Maas.

Ai në një postim në rrjetet sociale ka bërë thirrje që gjithë punëdhënësit ta përkrahin këtë iniciativë, në veçanti të përkrahen më shumë femrat, shkruan alsatm, përcjell albinfo.ch.

“Viti 2019 ende vazhdon të jetë i pabarabartë në shumë fusha, sidomos për punëtoret femra. Nëpërmjet kësaj ne synojmë të ulim pabarazinë në shoqëri”.

Sipas kryediplomatit gjerman, synohet që të luftohet për “pagë të njëjtë, për punën e njëjtë”.

Kjo ka ardhur nga Partia Social Demokrate e Gjermanisë, nga planprogrami qeverisës.