Pejanët kërkojnë investime në Grykën e Rugovës

Qytetarët e Pjesës e kanë kundërshtuar vendosjen e laurës në hyrje të Grykës së Rugovës, që ishte tentuar të vendoset nga Ministria e Mjedisit.

Aty, kompania kontraktuese kishte dërguar materialin për vendosjen e Laurës një ditë më parë, por pasdite, një grup qytetarësh të revoltuar kanë shkatërruar materialin fillestar që kap vlerën rreth 1 mijë euro.

Qytetarët kanë thënë se ata nuk janë konsultuar fare për këtë veprim nga institucionet e vendit.

“Infrastruktura dhe investimet në Rugovë janë zero, ndërsa të bëhet me pagesë është absolutisht e papranueshme. Të gjithë mirëmbajtjen, ruajtjen dhe investimet në këtë zonë i kanë bërë banorët e kësaj zone dhe bizneset private. Qytetari aktive për t’i ndalur keqmenaxhimet e institucioneve”, kanë thënë qytetarët.

Ndërsa drejtori i Parkut Kombëtar “Bjeshkët e Nemuna”, Fatmir Morina, ka thënë se vendosja e kësaj laure ka për qëllim ruajtjen e pyjeve nga shkatërrimi dhe, sipas tij, njëherë nuk do të aplikohet asnjë lloj takse.