Përfaqësuesit e agjencive turistike zvicerane vizitojnë Beratin

FOTO: ATSH

Rreth 60 përfaqësues të agjencive turistike zvicerane, të cilët po udhëtojnë në të gjithë Shqipërinë për t’u njohur me potencialet turistike që ky vend ofron për tregun turistik zviceran, vizituan qytetin e Beratit.

Vizita u organizua nga kompania ajrore “Swiss Air” me rastin e fillimit të fluturimeve direkte Tiranë-Cyrih, linjë e cila do të ndikojë në shtimin e fluksit turistik zviceran drejt Shqipërisë, transmeton “ATSH”.

Agjencitë turistike zvicerane shfaqën interesin e tyre për turizmin kulturor dhe natyror që ofron Berati, si një destinacion i rëndësishëm në rajon, përcjell albinfo.ch.

Ata vizituan Qendrën Historike dhe Muzeumet në qytet, si dhe prekën nga afër kulturën vendase, duke frekuentuar disa shtëpi tradicionale në lagjet muzeale.

Tregu zviceran ka një potencial të madh për turizmin në Shqipëri. Në vitin 2018 Shqipërinë e kanë vizituar rreth 42.000 zviceranë. Se kjo rritje është e konsiderueshme tregon krahasimi: Në vitin 2005 në Shqipëri ishin vetëm 6150 turistë nga Zvicra!

Udhëtimi “sekret” i 90 agjentëve turistikë nga Zvicra për në Shqipëri