Sozia e Cristiano Ronaldos po e shijon jetën në Irak

Një futbollist amator në Irak po shijon jetën e një të famshmi duke iu falënderuar ngjashmërisë së tij me futbollistin më të mirë në botë, Cristiano Ronaldo.

Për dallim prej portugezit që luan në një prej klubeve më të mira në botë, Biwar Abdullah nuk luan për një klub të mirë në Irak, por të ardhurat e tij i nxjerr jashtë fushave të blerta, duke punuar në ndërtimtari.

“Njerëzit më thonë se dukem si Ronaldo, por është e rëndësishme që një ditë ta takoj”, thotë Abdullah, i cili ka një familje të varfër në qytetin Soran.

25-vjeçari mbetet një figurë e njohur e këtij qyteti, sepse njerëzit shpesh e ndalin për të bërë foto me të.

“Biwari ka shumë fansa dhe jemi të lumtur që e kemi. Njerëzit e duan, sidomos ata të Soranit”, thotë një shitës i gjësendeve sportive, ku Abdullahu shpesh blen veshmbathje.