Qeveria zvicerane: Kafja nuk është thelbësore për jetën

Aktualisht ka 15.300 tonë të ruajtur - kjo është e mjaftueshme për tre muaj

Qeveria zvicerane dëshiron t’i japë fund rezervave emergjente të kafesë, sepse deklaroi se nuk është “esenciale” për mbijetesën njerëzore.

Zvicra filloi ruajtjen e rezervave emergjente të kafesë ndërmjet Luftës së Parë Botërore dhe Luftës së Dytë Botërore në përgatitje për mungesat e mundshme, raporton “BBC”.

Ajo vazhdoi në dekadat e mëvonshme për të luftuar mungesat e shkaktuara nga lufta, fatkeqësitë natyrore ose epidemitë.

Tani shpreson të përfundojë praktikën deri në fund të vitit 2022. Aktualisht ka 15.300 tonë të ruajtur – kjo është e mjaftueshme për tre muaj, përcjell albinfo.ch.

Pse ta ndalosh?

Qeveria tani thotë se kafeja nuk është “thelbësore për jetën” kështu që nuk duhet të përfshihet në rezervat emergjente.

“Kafja nuk ka pothuajse asnjë kalori dhe më pas nuk kontribuon, nga këndvështrimi fiziologjik, në ruajtjen e të ushqyerit”, tha Zyra Federale për Furnizim Kombëtar Ekonomik.

Por jo të gjithë janë të lumtur për këtë, përcjell tutje albinfo.ch.

“Rezerve suisse”, që mbikëqyr magazinat e ushqimit të Zvicrës, thotë se 12 nga 15 kompanitë që mbajnë kafe në vend duan të vazhdojnë të mbajnë rezerva.

Sa pinë kafe zviceranët?

Zvicra është një nga vendet ku konsumohet mjaft kafe. Një person brenda vitit konsumon 9 kg, sipas Organizatës Ndërkombëtare të Kafesë.

Kjo është pothuajse tre herë më shumë se që konsumohet në Britani, ku konsumohet 3.3 kg për person në vit.

---