Hahn: Maqedonia e Veriut dhe Shqipëria, shembull për rajonin

Maqedonia e Veriut dhe Shqipëria janë shembull për rajonin. 

Ky është konstatimi i eurokomisarit për zgjerim, Johanes Hahn, i cili lidhjen e BE-së me Ballkanin perëndimor e vlerëson si të rëndësisë së veçantë. Duke folur për Marrëveshjen e Prespës, Hahn ka shtuar se vendet anëtare të BE-së do ta vlerësojnë progresin e Maqedonisë, duke mos përjashtuar mundësinë për dhënien e datës për bisedime me BE-në që në qershor, shkruan alsatm, përcjell albinfo.ch.

“Ballkani Perëndimor ka dritaren e hapur për mundësitë e vërteta. Megjithatë, anëtarësimi në BE është sfidë e rëndë, e cila kërkon përpjekje të forta dhe të përbashkëta. Ka shumë punë për të bërë. Vendet e ardhshme anëtare duhet t’i respektojnë vlerat e BE-së dhe të punojnë në pajtim me to, duke mos harruar edhe bashkëpunimin rajonal”, ka shtuar eurokomisari për zgjerim, Johanes Hahn.