Presidenti francez: Do ta rindërtojmë katedralen së bashku (Video)

EPA/IAN LANGSDON

Pasditen e së djeshme katedralja 850-vjeçare në Paris u kaplua nga flakët.

Pos qytetarëve të shumtë dhe zjarrfikësve, në ngjarje doli edhe presidenti francez, Emmanuel Macron, i cili premtoi publikisht rindërtimin e saj, përcjell albinfo.ch.

“Katedralja Notre Dame e Parisit është historia, literature dhe imagjinata jonë, vendi ku kemi jetuar momentet më të rëndësishme, epidemitë, luftërat dhe lirinë tonë. Është epiqendra e jetëve tona. Andaj, sonte iu them solemnisht, do ta rindërtojmë këtë katedrale, së bashku”, ka thënë presidenti franzec.

Të pikëlluar për djegien e katedrales janë shprehur edhe qytetarët.

Chatherine Hermann ka thënë se nuk mund ta fshehë pikëllimin teksa sheh një gjë të tillë. “Të dhemb ta shohësh ashtu”, ka thënë ajo, përcjell albinfo.ch.

Kurse Ydal Emrah ka thënë se bëhet fjalë për djegien e një ndërtese që përçon 850 vjet histori.

“Janë 850 vjet të historisë. Kjo të prekë në zemër dhe të gjithë jemi të pikëlluar”, ka thënë Emrah.

Banorë të shumtë të Parisit u mblodhën pranë katedrales, duke u lutur së bashku dhe pastaj u duartrokitën zjarrëfikësve që shuan zjarrin në katedrale.

Video-storie nga DW:

https://www.facebook.com/deutschewellenews/videos/1165097166991856/