20-vjet nga masakrat në Poklek dhe Çikatovë, kërkohet drejtësi

Presidenti i Kosovës, Hashim Thaçi, ka kujtuar masakrat në Poklek dhe Çikatovë të Vjetër duke thënë se e urdhërdhënësit dhe ekzekutorët e këtyre dy masakrave të tmerrshme mbi popullatën civile ende nuk janë dënuar.

Ne fshatin Poklek i Vjetër komuna e Drenasit, ushtria serbe ka masakruar dhe i ka vrarë, pastaj edhe i ka djegur kufomat e 53 shqiptarëve civil të paarmatosur, duke filluar prej foshnjave gjashtëmuajshe e deri te pleqtë 75 vjeçar.

Ndërsa në Çikatovë të Vjetër janë vrarë 24 civilë.

“Para 20 vjetëve forcat ushtarake dhe policore serbe kryen dy masakra të tmerrshme mbi popullatën civile në Poklek dhe Çikatovë të Vjetër. Aty pësuan fëmijë, të rinj, të reja, burra dhe pleq që u vranë, u masakruan dhe disa prej tyre u dogjën. Edhe pas dy dekadash, askush nga urdhërdhënësit dhe ekzekutorët nuk u ndëshkua nga drejtësia”, ka shkruar Presidenti i Kosovës.