110 persona janë kthyer nga Siria në Kosovë

Ministri i Drejtësisë, Abelard Tahiri, në një konferencë për media ka thënë se mbrëmë me një aeroplan janë kthyer 110 persona nga Siria, duke përfshirë gra dhe fëmijë.

Ai ka bërë të ditur se Kosova ka qenë e suksesshme për parandalimin e shkuarjes së qytetarëve në zonat e luftës, përcjell albinfo.ch.

Tahiri në konferencën për media tha se institucionet po i ofrojnë ndihmë të gjithë të kthyerve.

“Institucionet po i trajtojnë dhe i ofrojnë ndihmë të gjithë të kthyerve. Ndërsa, të gjithë ata që kanë kryer vepra penale në zonat e luftës do të dalin para drejtësisë dhe do të dënohen konfrom ligjeve”, ka thënë Tahiri.

“Operacioni ka filluar që nga tetori i vitit të kaluar në bashkëpunim me disa institucione. Qëllimi ynë është që të sigrojmë që qytetarët tanë të mos marrin pjesë në konfliktet e huaja por edhe që të kthehen në vendin tonë”, shtoi më tutje Tahiri.

 Ndërsa drejtori i policisë, Rashit Qalaj, tha se sipas informatave 30 luftëtarë janë ende atje. Në mesin e tyre janë 49 gra dhe 8 fëmijë.