“Si n’shtëpinë tënde”, nxënës nga Kosova e Shqipëria, sot në Prizren

Ministria e Arsimit, Shkencës dhe Teknologjisë, në bashkëpunim me Ministrinë e Arsimit, Sportit dhe Rinisë sot organizojnë programin e shkëmbimit të nxënësve mes Kosovës dhe Shqipërisë, i njohur “Si n’shtëpinë tëndë”.

Ky program ka si qëllim integrimin e tyre në sistemin arsimor, qytetarisë dhe kulturës së vendit pritës, socializimit me komunitetin, të fituarit e një përvoje unike që lë gjurmë në të ardhmen dhe forcimit të bashkëpunimit mes dy vendeve në fushën e arsimit dhe rinisë, shkruan atsh, përcjell albinfo.ch.

Në ceremoni të pranishëm do të jenë zyrtarë të lartë të ministrive të Arsimit të Kosovës dhe të Shqipërisë.