Protestohet në mbështetje të mësueses që u ther me thikë

Tri ditë pasi një mësimdhënëse u sulmua me thikë nga një prind në shkollën fillore “7 Marsi” në Prishtinë, mësimdhënës të kësaj shkolle, së bashku me prindër dhe nxënës, kanë protestuar në shenjë pakënaqësie me këtë sulm.

Drejtoresha e kësaj shkolle, Shpresa Çitaku, ka thënë se sulmet e këtij lloji nuk do t’i zmbrapsin ata nga mësimdhënia.

Në këtë protestë i pranishëm ishte edhe kryetari i SBASHK-ut, Rrahman Jashari, i cili ka thënë se institucionet duhet të punojnë më shumë në mënyrë që të ngrihet niveli i sigurisë nëpër shkollë.

Në këtë protestë nxënësit dhe prindërit e kësaj shkolle kanë thënë të jenë të tronditur me këtë sulm. Kolegët e mësimdhënëses Vlora Baci thanë se ajo asnjëherë nuk kishte konflikt me këtë prind, andaj ende vazhdon të mbetet i paqartë ky sulm.