Të rinjtë gjermanë po pinë më pak alkool

Një studim i fundit ka treguar se adoleshentët po pinë gjithnjë e më pak alkool. Hulumtimi u krye për të marrë një ide të zakoneve të pijeve të të rinjve, si në aspektin sa shpesh pinë dhe sa.

8.7 përqind e gjermanëve në moshën 12-17 vjeç pinë alkool të paktën një herë në javë, përcjell albinfo.ch.

Kjo është një rënie e konsiderueshme nga raportet e mëparshme. Një studim i kryer në të njëjtën grupmoshe në vitin 2004 tregoi se një në pesë (21.2 përqind) piu të paktën një herë në javë, transmeton “The Local”.

Gjetjet tregojnë se fushatat e ndërgjegjësimit publik për rreziqet e alkoolit kanë ndikuar në rënien e konsumimit të alkoolit, derisa gjithashtu theksohet se edhe ndërgjegjësimi është më i madh tek të rinjtë e sotëm, sesa paraardhësit e tyre.

Megjithatë, lajmi ishte më pak i mirë për gjermanët e moshës nga 18 deri në 25 vjeç, ku më shumë se një e treta (37.8 përqind) pinë alkool së paku një herë në muaj.

Studimi, i përfunduar nga Qendra Federale për Edukimin Shëndetësor, u zhvillua në 7,000 gjermanë të rinj gjatë 2018-ës.