Basha nga Londra bën thirrje për protestat e 25 majit

Nga Londra ku zhvilloi një takim me komunitetin shqiptar në Britani, Lulzim Basha bëri thirrje për pjesëmarrje maksimale në protesten e radhës që opozita do të ketë më 25 maj.

Ai shtoi se pjesëmarrja në protestë do të jetë vendimtare për fitoren finale të demokratëve dhe fundin e Edi Ramës.

“Nuk do të ketë më bir nëne të përsërisë për shqiptarët tragjedinë 50-vjeçare që i la 100 vjet pas, i izoloi dhe i ktheu në një rezervat në zemër të Europës. Një nga garancitë për këtë jeni edhe ju këtu, që i dini vlerat e Europës, siç i dinë edhe të afërmit tuaj në Tiranë. Ju ftoj të bëni gjithçka që ky aksion që sapo ka nisur të jetë sa më i madh, sa më i vendosur, sa më i fuqishëm, duke nisur me të shtunën e 25 majit. Bjeruni telefonëve, mobilizoni njerëzit, nxirrini në protestë. U kërkoni që të jenë ata, nëse nuk keni mundësi të shkoni vetë. Sa më e madhe pjesëmarrja, sa më i madh bashkimi, aq më të numëruara do t’i ketë orët Edi Rama”, ka thënë ai.